2021eko uztailean ekin genion Zarautz 2030 Plan Estrategikoa zehazteko prozesuari, eta hasierako diagnostikoa egiteko datuak bildu eta tratatu eta herritarren, udal-teknikarien eta ordezkari politikoen ekarpenak bildu eta aztertu ondoren, Zarauzko Udalak aho batez onartu du guztion artean egindako ekintza plana.
Zarautz 2030 Plan Estrategikoaren abiapuntua Nazio Batuek 2015ean onartutako 2030 Agenda eta bertan zehazten diren 17+1 Garapen Iraunkorreko Helburuak dira, eta datozen urteetan Zarauzko tokiko ekintza jasangarria gidatuko duen ibilbidea izatea du helburu.
